SHACABKA KISMAAYO HA ISKA DIFAACAAN QABIILKA KU SOO DUULAY AFHAYEENKA SHABAABKA KISMAAYO
Afayeenka Maamulka Islaamiga ah ee Kismaayo Sh. Xassan Yacquub ayaa iclaamiyey dagaal ka dhan ah xoogaga Xisbul Islaam ee magaalada kula sugan isagoo shacabka magaalada ugu baaqay in ay iska difaacaan qabiil kusoo duuley magaalada.
Waxa uu la hadlayay idaacada Andulus ee maamulku leeyahay, waxa uu sheegey in Sheekh Axmed Maxamed Islaam (Axmed Madoobe) uu magaalada kusoo duuley si uu ugu gacangaliyo qabiil, isla markaasina u burburinayo maamulka Islaamiga ah ee ka dhaqangalay magaalada, sida uu hadalka u dhigey.
Waxa uu sheegey in ka maamul ahaan ay ka go’antahay in ay isdifaacaan oo ay iska dhiciyaan waxa uu ugu yeerey qabiilka kusoo duuley.
Dhanka kale mas’uuliyiinta Xisbul Islaam ayuu ugu baaqay in aysan wax garab ah siinin fidnada uu wado Sheekh Axmed Islaam, sida uu hadalka u dhigey.
Hadalkan ayaa kusoo beegmeysaa xilli ay socdaan dadaalo wahadal oo arrinta lagu xalinayo, lama oga halka hadalkani uu gaarsiin doono xaalada markii horaba cakirneyd ee Kismaayo.
AXMED KULAN
MUQDISHO TOGGAHERER
No comments:
Post a Comment