ALSHABAAB HADDII AY WEERARAAN CIIDAMADAYADA KISMAAYO MEEL KASTA WAANU KU WEERARI DOONAA” XISBUL ISLAAM
Xarakata Xisbul Islaam ayaa iclaamisey in meel kasta ay dagaal kula gali doonaan xarakada AL-Shabaab haddii ay weerar ku qaadaan ciidamadooda Kismaayo sida uu saakay ku goodiyey Sh. Xassan Yacquub
Afayeenka Golaha shuurada Sheekh Macalin Cadoow ayaa sheegey in hadalka kasoo yeerey Kismaayo uu micnihiisu yahay hubka dhiga shacabka ka mid noqda taasoo uu ku tilmaamey mid aanan suurogal ahayn.
Waxa uu nasiib darro ku tilmaamey iclaamintii dagaalka ee afayeenka maamulka, wuxuu intaasi ku daray in haddii talaabadaasi ay ku dhaqaaqaan AL-Shabaab uu dagaalka meel kasta saameyn doono oo ay wada joogaan labbada xarako.
Khilaafka labbada dhinac ayaa gaaray halkii ugu saraysay maalmihii ugu dambeeyey kaasoo ka bilowdey Kismaayo balse waxaa la fahamsanyahay in uu jirrey khilaaf hoose oo ku saabsanaa macaamil la sheegey in lala yeelanayay DKMG ah oo ay isku fahmi waayeen labbada dhinac.
Axmed Kulan
Muqdisho
No comments:
Post a Comment