FIKIRKA FOOLHALAABAY IYO FOORUHUU KICIYEY( 3AAD) IYO MAANSADA DHOOL
FIKIRKA FOOLHALAABAY IYO FOORUHUU KICIYEY( 3AAD)
Qaybtii labaad waxaynu ku falanqaynay sida ay u majara habawsantahay fikraka foolhalawsan iyo sida uu xaqiiqada uga fogyahay,qaybtan 3-aadna waxaa ballankeenu ahaa in aynu ku sooqaadano maanso ka hadlaysa isla mawduucan oo aan dejiyey modo hada laga joogo -15sano ,waxaana beryahaa socday rebshadihii kadhashay markii maamulayaasha dalka Aljeeriya ay ku qanciwaayeen guushii ay soo hoysey jabhada( ISF) oo boqolkiiba sideetan wax kabadan ku heshay cod kii dadka reer Aljeeriya dabadeedna sida uu caanka ku yahay fikirka fool halawsani ciyaartii taagneyd sanduuqyada codka waxuu u bedeley qori caaradii iyo xoog milateri, taasoo sababtay dagaal mudo dheer socday dad badan oo rayid ahina ku naf waayeen .
Maansadu waxay tilmaamaysaa in mashkilada ugu weyn ee caalamka islaamka haysataa ay tahay kooxdan aaminsan fikirka fool halawsan oo aan garina kabixin garina gelin ,hadii dimuquraadiyad lagaga guuleysto ma ogola ,hadii milateri lagaga guuleystana kadaran oo dadkii iyo dalkiiba waxaa lagu soo dalbanayaa oo lagu fasaxayaa quwado shisheeye ,hadii loodaayana caddaalad iyo horumar midna ummada umahayaan .waxaanay doonayaa sidii uu Hawd sheegaayey ee uu cidkale isagu dhalada ka saarayey, ee uu lahaa barsakh bay doonayaan inay ummada ku hayaan, inay iyagu yihiin kuwa barsakhaa uu sheegayo umada ku haya oo raba inaanay dhinacna u ciirsan .
Waxaanay tilmaamaysaa in dagaaladan iyo gacankahadal kani ay yihiin uun calaamado yar yar oo muujinaya cudur kaa weyn ee aynu ku tlimaamanay fikirka foolhalawasan ,oo aan marnaba ogolayn in dadka dalka lihi ay ku khilaafaan sida uu wax u wado ,hadii ay dhacdana waxaa xiga waa dagaal iyo xadhig .halkaa weeyaan halka ay ka soo jeedo mushkilada isqarxinta iyo in ay soo baxaan kooxo aan u arkaynin xal kale inuu jiro mooyaane dagaal iy o dhiig daata .
Waxa kale oo ay muujinaysaa habka ay u fukirayaan kooxdan aaminsan fikirkan fool halawsan oo ah; in ay rumaysan yihiin in waddo keliya oo lagu hore marikaraa jirto taasoo ah tii ay mareen reer galbeedku ,taasoo ku slaysneyd in diinta iyo nolosha lakala saaro,.waxaa kaloo ay muujinaysaa in ummadaha muslimka ahi ay door bidayaan in ay ku dhaqmaan shareecada mar walbana taageerayaan cida arinkaa wada laakiin ,dhibaatada jirtaa ay tahay kooxdan dadkii silsiladaha ku xidhatay ee xataa aan ogoleyn in ay ciday doonayaa raacaan .
iyagoo dhinaca fikirka iyo fadh fadha hadalka iska dhiga in ay xoriyad iyo fur furnaan rabaan ,hadana markay talada gacanta ku dhaigaan waa dhulow kaamakaco iyo diktaatooriyad aan jixin jixeyn.
Guud ahaan maansado waa arimahaa iyo wixii soo hoosgalaaya ee ah barnnaamijyada labada kooxood kalawataan ,labadaa kooxood ookala; ah kuwa shareecada u ol oleeya iyo kuwa shareecada ka ololeeya. Waxaanay kusocotaa halkudhegyada kalaha ; Dhaadane: waa tlmaan u taagan dadka u ol oleeya diinta in losha lagu dabaqo ,Dhaanraac ;oo utaagan kooxda aaminsan in diinta laga saaro nolosha ugu danbayntii halku dhega saddexaad waa Dhool oo ah astaan u taagan bulshada. Waana tan maansadiye akhris wacan oo wanaagsan:
08/23/1993 DHOOL 6/Rabiul -awal/1414H
DHiiladaa baxaysee dhegaheena saaqdee
dhulkeenii islaameed dhamidii ku baahdee
la dheel dheeliyaayaa dhaan raac ayaa yidhi
dhool ani ayaa gaya loomana dhawankaro
dhaadanaa kuyi hooy ninkii dhaqi karaayiyo
dhamidii rag baa gaya dhoolawa u simantahay
dhoolbaa waxay tidhi aan idiin dhexeeyoo
dhexdhexaad ahaadee reer sidaad udhiqileyd
dhalaankana u korinleyd nin walawba soo dhiib
dhaan raac ayaa yidhi aan codkayga dhiibtee
dhinacaa galbeedkiyo haday tahay dhankaa bari
anigaa udhoofoo soo dhammeeyey dunidoo
falsadaha ladhaanshiyo soo dhamay aqoontoo
anigaa udhabo galay diin wax laguma dhiqi karo
yurubtayna dhaaftee dayaxaa dhexdiisiyo
xidigaha ku dheeshaa markay diinta dhilliyeen
ay dhamman culuuntiyo sayniska dhlaasheen
dhedigiyo labkooduna ay sinaan ay ku dhaateen
ilbaxnimo dhammaysiyo noloshoo la dhuuxay
dhadhankeedii gaadeen dhacadiid u seexdeen
dhabbaday mareenbaan jaanta kuu dhigaayaa
kugu dheel minaayaa dhegahaagu hamaqleen
dhaadane wuxuu yidhi dhooleey war hooyoo
dhaan raac wuxuu yahay ama uu ka dhiganyahay
dhallaankii quraankiyo loo dhigay higaadee
sheekhii dhismaa iyo shibbanaha u dhigi laa
dhawaaqii shaqalkaiyo dhihi waayey kaafkii
dabdeedna dhooleey xaalkii idhaanoo
dheh ereyga uu noqday amawuxuukadhiganyahay
babqaagani dhawaaqee ku cel celiya dhawaqii
dhegihiisu maqlayaan diintan yurub ay dhaaftee
waa hore ka dheelmatay waa mid ay dad dhoobeen
dhaw jeerna bedeleen waa tii dhaammaysee
culimada dhakraysee dhulku waa wareega
dhamackulul galiilyaba ugu shiday dhinbiishee
garaadkii dhadhaab adag iyo dhudhub ku oodee
dhaqdhaqaaq u diidee boqoradan dheecaankiyo
dhidid kooda danyartii dhiigooda jaqaysayna
waa tii dhufeysiyo meel ay ku dhuuntaan
dhab ahaan u noqotee tidhi waa dhir hadhacoo
weynaheen udhaaboo hadhkiisay ka dhigantee
dhalan dhoolka milicdiyo ka hadhsada dharaaraha
dhac dhac waayimeynee kii denbi ka dhacayee
xuduudana yar dhaafaa hasoo dhiibto dhaw gini
tigidhkana hadhaafsado naarta waa ka dheeryee
dhankaasi dhan weeye oo dhankii yurub weeye
dhanka kale na hooyoo dhinaceena waxa jirey
culimadoo la dhawroo aan waxloo dhimaynoo
sharaf lagu dhaqaayoo dheeraad lasiiyee
dhaqankaa islaamkaa dhooleey ku caanee
taariikhda dheehoo dhug u yeelo oo garo
dhab ufiiri arinkaa dhaan raac ayaa yidhi
dhaa dhaan ku liitoo horta dhoo hanbaad tahay
dadkan aad dhaliishiyo kuwan aad la dhacsantahay
miyey isu dhigmaayaan muslinkaad ku dhaadani
dherigiyo fandhaalkiyo dhurahana hanoqotee
maxay guulo dhaliyeen dhismahaa aqoontana
maxay gacan ka dhiibteen dhaadane wuxuu yidhi
hadalkaad ku dhawaaqday dhaanraac aflagaado
horta kaa dhuri maayo cilmigaa kugta dhaafee
dhaladaa isku taagay dhawr qof may isu geyne
teer iyo un dheerbaa uumiyuu isdhaxlaayey
soo dhiraan dhirinaayey sheekhaagii idhaana
intuu kuu dhigay maaha dhaayaheena ilaysku
inuu dheeha kaqaado dabadeed uu wax dhaado
dhaanraac shalaytoole yurub may dhanbbalinoo
dharaaruu ibnu hasam dhacdadaasi fadhaayey
dhayaakliiktik warkiisa (1) hadii aad la dhacayso
ama haygal ku dhaanshey dhamidood garaadkooda
wax anoon ka dhahaynin dhabaroow bal qasaali
dhakhtarkii ibnu siina iyo jaabir madharwtay
mise dhiil hadhuubkeed ku dhan leeday aqoonta
dhumucdiisu maweyna qotodiisu madheera
dhalaalkaa baqay mooyee shaw dheeraadba maqaado
dhaan raac baa isla booday dhabandaad milladaadu
madheelayso siyaasad dawkad soo dhisi mayso
haw dhawaanin xafiiska dhexjooguun masjidkaaga
qaybi uun dhaxalkaaga dhag ka sii meherkaaga
hana dhaafin intaasi dhurann kaagana jooji
dhawaqaagana gaabaso dhibna hasku horseedin
dhaadane wuxuu yidhi dhoohanaw milladaadu
dawlad soo dhisi mayso dhalanteed iska weeye
hadii ay dhakadaadiyo ku dhureen maskaxdaada
beryihii dhagahaa iyo indhaa dhoobo lasaaray
yurub ay dheelalawday jarka y ka dhacaysey
dhulku wuu kasinaayoo dhugucaasi aduunk
dhammaantii wada gaadh oo diinbaa dhibka beertay
hadurkaasi dhabmaaha Dhinaceena islaamku
dawladbuu ku dhisnaayoo Quraankaa dhig dhexaadiyo
udubkeedaba dhaaboo Nebigaa dhaqankeediyo
dhawristeeda xaqiijoo Dhidibkeeda adkeeyoo
asalkeeda ladheegto Khulafadaa dhanbbalaysey
kadhinbbiil qaadanysey Uumiyaa ku dhaqaysey
dhaan raac yurubtaasi Kitaabkoodii ku dheeshay
xogtiisii dhalan doorshey Xaqiisii ka dhaqaaqay
adingoon ku dhabcaalin Runta dhaabada saarin
teena maw dhigmaysaa Oy ku dherer samaysaa
dhoolbaa waxay tidhi Hadaan dhuuxay warkiina
dhaan raac kugu ciirtay Dhabbadii hideheeeniyo
dhaqankeenii ma haysid Dhaadanaw na su,aal
dhedig iyo lab sinaada Dhammidoodba masooba
dhabtii waan uriyaaqee Hayeeshee dhawaaqaagiyo
kumaadshegin dhanbbaalkee dhinacaa iga shaafi
dhaadane wuxuu yidhi Dhooleey bani aadam
horta waa dhud qudhaato Dhaanraac ehelkiisu
dhibay kuu qasayaanoo Malabaanay dhii dhiiti
horta kaaga dhigaayaan Dhedigoo lalabeeyoo
dhaqankoodaba doorshiyo Dhooleey aansinaano
horta way kala dheertay Dhallaankood iska xoortiyo
dhaaniskood u ciyaartiyo Asturkood ka dhaqaaqdiyo
xijaabkood iska dhaaftiyo Xayeysiinta dharkoodiyo
sinaantoodu dhunkaaliyo Horta waa dhugucaaga
dhanbbaalkaygana hooyoo Dhooleey sinaanteena
diintaaba dhigaysoo Dhigashada cilmigaagiyo
dhaqashada hantidaadiyo Dhismahaa bulshadaada
adigoon xadka dhaafin Dhedignaanta ka faanin
dhalliil aan u arkaynin Dhankii kaaga ekoon iyo
dhinacaaga katiiri Islaamkaa dhigay taase
nina hawga dhaqaaqin Dhaan raacna hayeelin
dhabankay shanta saartay Fikirbaanay la dhooftay
dhaan raac ayaa yidhi Dhoocilyey imaqaloo
hadal waa dhammaadaye Gacantuun bal soo dhiib
hadii kale waxbaa dhici Anna waaban dhiidhiyi
dhoolbaa waxay tidhi Dhoohane idhaafoo
dhisma iyo aroos iyo Dhaantiyo cayaar iyo
dhag-dhag hayga filanine Dhabbadaa cagta saaroo
kadhaqaaq wejigeyga Dhaadanawna nasiibkaa
dheeftiyo nasiibkey Kugu dhaatay adigee
meel may dhigaysaa Qoys wacan ba dhababnaa
lagu dhisay islaamoo Lagu dhaabay iimaan
xumaanina ka dheertahay Ereygaasi dhabqiyoo
dhakafaar ku keenyoo Dhaan raacna islabood
dheeshiyo cayaartii Cod ladhiibto taagnayd
dhoonbir caaradii gee Caadadii iskaga dhurey
dhiiranaw ciidankaygow Aqal dhawr deriyoodle
dhool halaygu xareeyo Kanna seel dhacadiidkiyo
dhinac jiifsi udiida Keligii ku dhex tuura
amarkayga dhabeeya Boqolaal dhuuni raacoo
waxba aan dhawrsanayni Dhaadane garba duube
dhu dhunkaa xadhig baydiyo Ku dhagsiiye katiinad
Dhoola gaadhka kameershe Dhinaceeda ku xoome
dhaadanaa ku tiraabay Hohee garasho dhimatoo
qab iyo maan is dhaafee Waan dhiidhiyaayaa
dhiigbaan qubaayaa Dhamac iyo kulayl iyo
dhabbo halaq ujiifaan Dhooleey marayaa
dartaa waan dhididayaa Xaqeenaa ladhacaybaan inoo soodhicinayaa Dhaanraac ka hirayaa
intaasoo dhibaato,ah Yaa inoo dhexaysee
ila dhabar adaygoo Salfudaydka dhooleey
asalkiisa iga dhawr dhoolbaa waxay tidhi
ilaa eebe dhahayoo Ooridaada iaga dhigo
dhixirkaan adkeynoo Dhammidood asaagaa
ku dhaafsanmaayo qayrkaa Iyo weliba dhaanraac
dhaadane iyo dhaanraac Loollankoodu dheeraa
o |
dhoola waa cadibantoo Weli waa dhur sugaysaa
(1) dhayaaliiktik(Dialectic) waa fikrad falsafadeed oo aaminsan in bulshadu ka koobantahaydabaqado xaga dhaqaalaha ah oo loolan kadhexeeyo waxaana aabe uahaa nikii jarmalka ahaa ee Haygal. Lagu magacaabi jirsy ,waana halka ay ka soo jeedo fikrada shuuciyadu.
No comments:
Post a Comment